СДСМ: ВМРО-ДПМНЕ и Груевски се фатени дека лажат за инвестиции

Од:

„ВМРО-ДПМНЕ и Никола Груевски се фатени како лажат за инвестиции коишто во реалноста никогаш не се реализираат.

Премиерот во заминување, Никола Груевски, треба да одговори пред граѓаните за сите лажни, виртуелните индустриски зони и виртуелни инвестиции коишто со години се само празни ливади.

Во 2012 година Груевски најавуваше изградба на индустриска зона во Гевгелија, локалитет Прдејци. После цели три години наместо индустриска зона зјае празна ливада.

Наместо индустриска зона Опаленик, кај Крушево, 7 години стои празна ливада како симбол на лажните, виртуелни инвестиции на Никола Груевски.

Виртуелните инвестиции и лажните зони не се само празни ливади, туку на нив има и ѓубре.

На местото на виртуелната индустриска зона Мауцкер, во Охрид, има депонија!

Ја нема ниту фабриката за печурки во Свети Николе, ниту фабриката за ветерници во тетовско…. Груевски излажа и за италијанската Орланди, турски Шишеџам, Хајер и Тривју, индиската Мадерсон, француската Монтипе, израелската Газит Глоуб, Еуро Италија, Искра Словенија, Биротекник Отомотив, Грудхост од Данска…

Единствените реални „инвестиции“ на Никола Груевски, кумот Ставрески и братучедот Мијалков се парцелите на Водно, мерцедесот од 600 илјади евра, очилата од 60 илјади долари, провизиите, тендерите за споменици вредни 630 милиони евра…

Во реалноста ниту имаа странски инвестиции ниту има нови работни места. Корупцијата во изминатите години однесе многу работни места и избрка многу странски инвестиции.

Граѓаните знаат дека По изборите на 24-ти април, по победата на СДСМ Македонија ќе и каже збогум на корупцијата и ќе се отвори патот за вистински инвестиции и вистински нови работни места“, се вели во соопштението на СДСМ.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов