СДСМ: ВМРО-ДПМНЕ да каже за Орце Камчев и дали сите донации се регистрирани во Финансискиот извештај?

Од:

ВМРО-ДПМНЕ продолжува да си ја брка мувата од капата со криминалниот тендер на „Диамед“ преку лажни обвиниунвања и извртувања на реалноста, велат од СДСМ, преку соопштение.

„Сите сознанија укажуваат дека зад фирмата „Диамед“, стојат токму Никола Груевски и неговиот кум од првиот брак Ристе Новачевски, за што истрага води и Обвинителството за организиран криминал.

Официјални податоци укажуваат дека истиот ден кога од фирмата за дијализа „Диамед“ биле префрлени 9 милиони евра во Монако, Новачевски, кумот на Никола Груевски од првиот брак, отворил сметка во Монако.

За фирмата „Диамед“ ВМРО-ДПМНЕ треба да се обрати во Будимпешта кај Груевски и во Монако кај неговиот кум Новачевски.

Не е првпат ВМРО-ДПМНЕ да конструира лажни случаи во здравството. Со месеци ВМРО-ДПМНЕ лажно обвинуваше за криминал и незаконски постапки, за на крајот да излезе Јавното обвинителство за гонење организиран криминал и да соопшти дека јавните набавки во здравството се кристално чисти по што се прекинати предистражните постапки.

ВМРО-ДПМНЕ и Микцоски треба да престанат да ја замајуваат јавноста и да одговорат на прашањата што со денови им се поставуваат:

Дали, тајкунот произлезен од режимот и обвинет во предмети на СЈО, Орце Камчев, преку негови фирми ја финансирал кампањата на ВМРО-ДПМНЕ за последните претседателски избори?

Дали сите донации за кампањата на ВМРО-ДПМНЕ за претседателските избори се регистрирани во Финансискиот извештај за претседателските избори?“, прашуваат од СДСМ.

Би можело да ве интересира

Заев до Ахмети: Доколку ДУИ условува кој ќе биде премиер на идната влада, нема да биде дел од неа

Ана Ололовска

СДСМ: Разголена е лажната грижа на Мицкоски за здравјето на граѓаните, тој се грижи само за личните задоволства и партиските интереси

Ана Ололовска

СДСМ: Заеднички ќе го совладаме коронавирусот, најважно е да ги почитуваме мерките и да се заштитиме

Ана Ололовска

(ВИДЕО) Николов: Потребно e единство и дисциплина во почитувањето на мерките за заштита од коронавирусот

Ана Ололовска

(ВИДЕО) Костадинов: Срамно однесување на Мицкоски, не ги почитува мерките, не е загрижен за граѓаните, за него кафаните и теретаните се најважни

Ана Ололовска

ВМРО-ДПМНЕ: Кластерот СДСМ ќе си помогне и себе и на граѓаните доколку повеќе се грижи за здравјето

Ана Ололовска