„Власта не може да организира фер и демократски избори.СДСМ останува на ставот дека нема да излезат на избори“, вели за Радио Слободна Европа, Емилијан Станковиќ, портпарол на СДСМ
„Освен базичните предуслови за прочистен избирачки список и изборна регулатива со вклучени препораки на ОБСЕ/ОДИХР сега логично се поставува прашањето кој ќе ги организира изборите. Ако овој режим покажа дека можат да тепаат за буџет, да тепа буквално за пари, тогаш зошто би се воздржала да користи сили и на избори“, вели Станковиќ .
Според него, продлабочувањето на политичката криза може да се избегне со формирање на друг вид на влада.
„Без разлика како таа би се нарекла – техничка, експертска, концентрациона во која СДСМ воопшто не е заинтересиран да учествува, чиј единствен мандат би бил организирање фер, слободни и демократски избори.“