„Десет дена пациентите со метастатски канцер од целата држава да се оставени без потребната биолошка терапија. Десет дена овие пациенти чии живот е загрозен, се оставени во неизвесност. Оправдано е нивното стравување дека ваков недостиг на биолошка терапија нема да случи и во иднина. Одговорноста за голготата низ која поминуваат онколошките пациенти е целосно кај власта поради неодговорното и ненавремено планирање и финансирање на јавните набавки за овие лекови“ соопштија денеска од опозициската СДСМ.
Од партијата велат „Пациентите не само со недостиг на биолошка терапија, се соочуваат со недостиг на здравствен кадар и елементарни услови за лекување. Не е преземено ништо за да се заштитат пациентите, а доказ за ваквата негрижа е недостигот на соодветен план, функционален систем и регистар на пациенти, ненавремената набавка на лекови“.
„Животите на луѓето се загрозени поради неспособност на власта. Ветуваа реформи и современ здравствен систем. За седум месеци направија хаос. Вината за хаосот на Онкологија е кај директорот на Онкологија, Стојковски, кај директорот на ФЗОМ, Сашо Клековски и кај министерот Таравари и треба да понесат одговорност“ е ставот на СДСМ.