„Оставките на пратениците на опозицијата се кај власта. Груевски и Вељаноски треба да престанат преку провладините медиуми да ја лажат јавноста со намера власта да ја избегне одговорноста за недемократската атмосфера по криминалните избори.
Лага е тврдењето во насловот на текстот од „Прес24“, реагираат од СДСМ на написот дека техничка влада нема да има, а партијата се враќа во парламентот.
Ставот на СДСМ и коалициските партнери е кристално јасен и непроменет.
Пратениците од опозицијата нема да учествуваат во работата на Собранието се додека не се создадат услови за враќање на демократијата и одржување на фер и демократски избори.
Пратениците од опозицијата не ги прифатија пратеничките мандати и оставките ги депонираа уште пред 4 месеци во Собранието, откако Трајко Вељаноски и власта насилно ги верификуваа нивните мандатите.
Вељаноски не мора да чека до 8-ми октомври, може кога сака да ги верификува оставките“, се вели во писмената реакција на СДСМ, на текст објавен од „Прес24“, превземен од весникот „Дневник“.