Неодговорноста постои исклучиво во власта, таа е кај Трајко Вељаноски и Никола Груевски.
Да го направеше тоа што му налага Уставот, да ги констатира оставките на опозициските пратеници, Вељаноски ќе ја спречеше целата оваа пародија што се случува во Собранието.
Пратениците од опозицијата побараа да не им бидат верификувани мандатите, па потоа поднесоа оставки, уште во мај, оваа година.
И покрај тоа, власта, на чело со спикерот Вељаноски, насила ги верификуваше мандатите и не ги констатираше оставките повеќе од 6 месеци. На овој начин пратениците беа оневозможени да ги извршуваат професиите кои ги извршуваа пред да станат пратеници.
Јасно е дека за штетите коишто се направени од Буџетот виновен е Трајко Вељаноски. Граѓаните, пратениците, не се должни да ги плаќаат неговите хирови и неговото кршење на Уставот.
Очекуваме Јавното обвинителство да покрене постапка против Трајко Вељаноски за злоупотреба на службената должност и да го повика на одговорност за злоупотребите што ги има направено, велат од СДСМ.