СДСМ во денешната писмена реакција на изјавата на министерот за финансии Зоран Ставревски бара од него да одговори дали власта ќе го прифати нивниот прелог за заштеди во буџетот.
СДСМ забележува што во услови на криза, Владата предвидела повеќе пари за службени патувања и дневници, како и поголемо задолжување на државата.
„Ваквото однесување на Владата мора да запре и да се промени. Очекуваме Владата конечно да разбере во какво време живееме, да го прифати планот на СДСМ за заштеди, тоа е во најдобар интерес на сите граѓани на Македонија и заеднички да го донесеме буџетот за 2013 година“, велат од СДСМ.