Во Законот за управни спорови, член 55 стои дека за барањето заштита на слободите и правата загарантирани со Уставот, ако таква слобода и право е повредено со конечен поединечен акт, а не е обезбедена друга судска заштита, одлучува судот надлежен за управни спорови, а тоа е Управниот суд, реагира СДСМ на написи во провладините медиуми.
„Никола Груевски и ВМРО-ДПМНЕ сфатија дека се проѕирни партиските ставови искажани преку нивните наводни експерти, платеници, па почнаа да вадат од контекст и да злоупотребуваат експертски ставови. Причина за ваквото однесување на Груевски и на ВМРО-ДПМНЕ е паниката за политичката криза што самите ја создадоа со криминалните избори. Оттаму сите манипулации на Груевски и ВМРО-ДПМНЕ се очаен обид за барање изговори за последиците од нивното незрело 8-годишно владеење“, се додава во реакцијата на СДСМ.