СДСМ со писмено соопштение реагира на изјавата на Крсте Јовановски од ВМРО-ДПМНЕ.
„ВМРО-ДПМНЕ продолжува со својата очајничка стратегија да пласира лажни вести во надеж дека ќе успее да го избегне извесниот пораз на локалните избори.
Министерството за транспорт и врски целосно ги демантираше лагите што ВМРО-ДПМНЕ неколку дена ги изнесува.
Трошењето пари на граѓаните за скапи вечери, пијалоци, ноќевања, козметика и облека, беше главна одлика на владеењето на ВМРО-ДПМНЕ и неговите кадри. Eрата на расипничко владеење заврши кога ВМРО-ДПМНЕ и нивниот лидер Никола Груевски заминаа во опозиција.
За разлика од ерата на ВМРО-ДПМНЕ, државните институции денес работат одговорно, отчетно и професионално, а парите на граѓаните, наместо за лично богатење на Груевски, се користат за повисоки плати и пензии, поголема помош за земјоделците и поголема државна поддршка за претпријатијата“ велат од СДСМ.