Социјалдемократите со уште едно соопштение до медиумите реагираат на реформите што планира Владата да ги воведе во судскиот систем преку предлог Законот за одредување на видот и висината на казните власта. Како што велат од СДСМ, доколку се применува овој Закон судиите ќе ги носат своите одлуки според шаблони и табели, а не по убедување.
Ова, велат од партијата, може да оди на штета на независноста на судството, но и на граѓаните затоа што кривичните дела не се идентични и не можат да се сведат на табели и математички операции.
Проблемот со партизираноста на судството, велат од таму, е проблем кој бара длабоки реформи и пред се политичка волја на Владата да ги тргне рацете од судовите.
„Пред извесен период власта убедуваше дека Правилникот е вистинското решение, сега признаваат дека тој не бил решение. Колку време ќе и биде потребно на власта за да излезе со истата констатација и за овој закон?“, велат од партијата.