Од зградата на општинската органиција на СДСМ Центар која се наоѓа спроти белата палата на ВМРО-ДПМНЕ, започна славеничка атмосфера. Од прозорците на организацијата членови на партијата со факли слават и извикуваат „Центар не е Пустец“, „Победа, победа“, „Шутка не ти бега Никола“…
Од терсата на белиот дворец почна да ечи партиската химна.
На неколкуминутното скандирање, возвратија неколкумина членови на ВМРО-ДПМНЕ кои беа пред партиското седиште, кои порачаа дека Груевски е во Будимпешта. Некои од нив извикуваа националистички пароли.
Пред седиштето на партијата можат да се забележат само новинарски екипи, а е доста раздвижено во општинската организација на СДСМ Центар каде постојано влегуваат и излегуваат партиски членови и симпатизери.
Партиски извори на ВМРО-ДПМНЕ велат дека очекуваат приближно 360 илјади гласови за нивната кандидатка за претседател Гордана Сиљановска Давкова.
Васко Маглешов