Социјалдемократскиот сојуз смета дека соопштението на регионалната канцеларија на Светска банка во Македонија не може да биде одговор на писмото на СДСМ, за новиот заем од 50 милиони долари, бидејќи според нив ова соопштение е објавено уште пред писмото на СДСМ воопшто да биде пратено во Вашингтон.
„Позициите на регионалната канцеларија нам веќе одамна ни се познати. Ние сме целосно свесни за значењето на Светска Банка како стратешки партнер на Република Македонија од осамостојувањето па наваму и токму затоа писмото денеска го испративме во Вашингтон до претседателот на Светската Банка, Јим Јонг Ким“, стои во информацијата од СДСМ.