„Додека здравството се распаѓа, додека ВМРО-ДПМНЕ од ден на ден се повеќе и повеќе ги задолжува граѓаните за да се исплатат плати и пензии, на крајот од мандатот Никола Груевски брза да ги наградува своите најверни поддржувачи.
Аспазија Софијанова од Општинскиот комитет на ВМРО-ДПМНЕ Центар е уште една во низата добитници на државни награди по партиска заслуга.
Здравството е во хаос. Катастрофалните политики на Груевски и Тодоров доведоа до иселување на лекарите и колапс на здравствениот систем. Се пука во лекари, умираат родилки и бебиња. Смртноста на новороденчињата во Македонија е 14 на 1.000 живородени. Според Еуростат, 229 новороденчиња умреле за една година.
Дури и од дополнителни морални причини Аспазија не ја заслужува оваа награда. Комисијата на чело со Аспазија Софијанова, одлучи малата Тамара да не се лекува во странство. Комисијата со којашто претседава Софијанова го имаше последниот збор.
Тогаш самата Софијанова призна и дека добила јавувања “одозгора” правдајќи се дека ја менувала претседателката на Второстепената комисија, мајката на министерот Никола Попоски.
После загубен детски живот, што и да се каже е премалку.
Очигледно е дека достигнувањата во партијата на Никола Груевски како претседател на општинскиот комитет на ВМРО-ДПМНЕ во Центар се причината поради којашто Аспазија Софијанова ја доби оваа награда“, реагираат од СДСМ.