Претседателот на Собранието Трајко Вељаноски може да ги верификува во секој момент оставките на пратениците од опозицијата, депонирани пред пет месеци, соопшти СДСМ по синоќешната средба на Извршниот одбор со пратеничката група.
– Пратениците на опозицијата пред пет месеци ги депонираа своите оставки во Собранието. Трајко Вељаноскки може да ги верификува во секој момент и нема потреба од поврзување со какви било датуми за тоа да го стори, се наведува во соопштението по состанокот.
Централна тема на редовниот состанок, како што наведува СДСМ, беа активностите и учеството на пратениците во фазите од реализацијата на новата Стратегија за политичко делување на СДСМ, а било разговарано и за актуелната политичка состојба во Република Македонија.
– Беше констатирано дека владејачкото мнозинство е единствено виновно за правната и политичка конфузија во којашто се наоѓа Собранието на Република Македонија, стои во соопштението.