„Проблемот со невработеноста во Македонија ескалира во 9-тата година континуирана власт на Никола Груевски.
Нема место за фалби од страна на Никола Груевски. Со парите на граѓаните власта дава поволности за странски компании, со што домашните ги става во подредена положба.
Дополнително, во технолошките зони, за кои државата дава сериозни субвенции, работат слабо платени работници, граѓани на Република Македонија. Тоа го потврдија поплаките на работниците од повеќе технолошки зони.
Никола Груевски е одговорен за сите погубни политики кои доведоа до огромна невработеност и сиромаштија во Македонија и од тоа не може да избега“, се вели во писмената реакција на СДСМ на изјавата на Никола Груевски.