„Зградата на Водовод во Скопје ќе чини над 11 милиони евра. Од нив 7 милиони и 300 илјади евра се кредит со којшто се задолжуваат скопјани.
1 метар квадратен во оваа зграда, чини повеќе од 2 илјади евра!
Ова луксузирање се случува во услови кога голем дел од жителите немаат елементарни услови за живот, пристап од централниот водоводен систем. Кога главниот град, во 21-от век, се соочува со епидемија на жолтица. Кога дел од населбите, воопшто немаат атмосферска канализација, што во дождливиот период, како што признаа самите институции раководени од ВМРО-ДПМНЕ, предизвика излевање на фекалните води.
Ако раководството на Ј.П. Водовод мисли на граѓаните, ќе го поддржи предлогот на СДСМ за пренамена на дел од средствата за луксузната зграда, за изградба на водоводот во општината Шуто Оризари, наместо да ги поддржува луксузирањата на Трајановски и ВМРО-ДПМНЕ“, се вели во писмената реакција на СДСМ на реакцијата на Ј.П Водовод и канализација – Скопје.