„Jалови се сите обиди на Никола Груевски, преку медиумите под негова контрола, да го оправда општо изразениот став на меѓународната заедница, дека власта на Груевски е најодговорна за искомплицираните состојби во државава на политички и меѓуетнички план.
Американскиот помошник државен секретар за европски и евроазиски работи, Викторија Нуланд вчера се сретна лично со Никола Груевски и со неговиот коалициски партнер, лидерот на ДУИ, Али Ахмети.
Самата Нуланд, во изјава по средбата со Груевски соопшти дека побарала политичка и меѓуетничка хармонија за просперитетна Македонија.
Шлаканицата од Нуланд е за Никола Груевски.
Груевски, не ја разбира, или, што е поверојатно, не сака да ја разбере, пораката Нуланд, како што тој го направи тоа со пораката на Штефан Филе“, се вели во соопштението на СДСМ.