Откако потонаа сите лаги, манипулации, црни сценарија, обиди да ја закочи европската иднина на државата, Христијан Мицкоски тоне и сака да ја повлече цела држава. Toa СДСМ, заедно со граѓаните нема да му го дозволи велат од СДСМ во реакцијата на одлуката на Извршниот комитет на ВМРО-ДПМНЕ за прифаќање на иницијативата за референдум.
– Граѓаните многу добро знаат дека токму ВМРО-ДПМНЕ бараше референдум и за Договорот од Преспа па потоа го бојкотираше. ВМРО-ДПМНЕ и Мицкоски собираа потписи и за иницијатива за референдум за пописот, па потоа се откажаа. Не му се виновни граѓаните на Мицкоски што ги лажеше за некаква бугаризација и асимилација која сите видоа дека не постои. Седницата на Извршниот комитет на ВМОР-ДПМНЕ е најобична фарса, таму ништо не се одлучува, само се исполнуваат желбите на Мицкоски. Референдум против македонски јазик во ЕУ не е потребен. СДСМ нема да поддржи референдум којшто е против заштита на македонскиот јазик, идентитет, историја и посебност во преговорите со ЕУ се вели во реакцијата од СДСМ.