Крајно непримерно е премиер на држава членка на Европската унија да дава изјави за негирање на идентитет на македонскиот народ, се вели во реакцијата на СДСМ по вчерашната изјава на грчкиот премиер Андонис Самарас во Европскиот парламент во Стразбур кој изјави дека не знаел дека македонскиот јазик постои и дека тој бил измислен од комунистите.
– Ниту Самарас, ниту било кој друг грчки политичар, без оглед колку и да се обидува да го негира, не може да го избрише македонскиот идентитет, македонскиот јазик. Со ваквата изјава грчкиот премиер потврдува дека наместо фокусирање на политиката на 21-от век, којашто подразбира интегрирање, дијалог и меѓусебно почитување, Република Грција, за жал, се уште живее во минатото. Ваквите ставови на грчките политичари апсолутно не одат во на односите на Република Македонија со Република Грција – велат од СДСМ.