СДСМ: Република Македонија повторно е оценета како земја во којашто владее хибриден режим

Од:

„Во најновиот Извештај на релевантната меѓународна организација Фридом хаус, Република Македонија повторно е оценета како земја во којашто владее хибриден режим.

Извештајот на Фридом хаус содржи недвосмислени критики за спроведувањето на изборниот процес, состојбата во медиумите, загрозувањето на основните човекови права и слободи. Се наведува дека Македонија продолжува да забележува пад, особено во категориите: независност на медиуми, борба против корпуција, изборен процес и граѓанско општество.

Фридом хаус го констатираше она што е содржано во Извештајот на експертската група на Европската комисија, подготвен од Рајнхард Прибе, којшто укажува на сите системски злоупотреби на власта на Никола Груевски.

Меѓународните извештаи се јасни, нема простор за различно толкување или нерелни перцепции. Работите мора да се променат. На Македонија и е потребно враќање на слободата, демократијата и европските вредности.

Неопходно е Никола Груевски и неговите најблиски соработници, кои ја узурпираа државата и од неа направија земја со хибриден режим, да се повлечат и преку организација на Влада, во којашто нема да бидат вклучени креаторите на проблемите, да се создадат минимални услови за организирање на фер и демократски избори во Р. Македонија“, се вели во соопштението на СДСМ.

Би можело да ве интересира

СДСМ бара Мицкоски да одговори дали со Британија е договорено прифаќањето на мигранти и мигрантски кампови во Македонија

СДСМ: Во вториот круг се бориме за 17 места, граѓаните масовно да излезат на гласање

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

(ВИДЕО) Димитријевиќ: СДСМ води и очекува победа во: Центар, Крива Паланка, Пробиштип, Чучер Сандево, Кривогаштани, Богданци

Горан Наумовски