Го очекувам колегата Менде по неуспешната градоначалничка авантура да си се врати во пратеничките клупи, рече Лилјана Кузмановска, пратеничка во Собранието на РМ.
СДСМ продолжува да бара виновници за катастрофалниот пораз на 24 март, секаде само не кај себе.
Виновни им се институциите, Државната Изборна Комисија која ја раководи нивни човек, домашните и странски набљудувачи, па дури и гласачите. Целиот народ е виновен само не тие, додаде таа.
Продолжуваат со агресивност, повикување на борба, револуција, ширење омраза, оспорување и омаловажување на се што е вредно. За да го покријат срамот од големиот пораз на Менде Диневски во Битола кој со разлика од дури пет и пол илјади гласови веќе загуби од Владимир Талески, се откажаа од неговата таканаречена програма и сега презентираат сликовници, ги нарекуваат „бели книги“ само и само да извалкаат колку што можат повеќе, заклучи Кузмановска.