Прифатено е барањето на СДСМ за надзорна расправа, одговорност за поплавите мора да има. Добро е тоа што е прифатено барањето на пратениците од СДСМ за Надзорна расправа во врска со одговорноста за хаосот со поплавите, велат од СДСМ.
„Граѓаните заслужуваат да ја знаат вистината за ужасот од поплавата.
Потфрлувањето на институциите е најголема причина за големите последици од поплавата.
Одговорностите лежат во Владата на Република Македонија, Министерствата за земјоделство, шумарство и водостопанство, транспорт и врски, Внатрешни работи, Животна средина и просторно планирање, но и во јавниот медиумски сервис.
Овие институции работеле спротивно на законите во областа на хидрометеорологија и заштита од поплави и со тоа донесоа хаос во животите на населението.
Одговорност за последиците од поплавата мора да има“, стои во соопштението на СДСМ.