Портпаролот на СДСМ Петре Шилегов одговарајќи на новинарски прашања кажа дека има неуспешен обид да се манипулира со снимениот разговор на шефот на УБК со Муса Џафери.
Обидот да се манипулира со тврдењата на СДСМ е повеќе од неуспешен. СДСМ јасно кажа и повторуваме, не постои снимен директен разговор помеѓу Мијалков и Груевски. Кога разговарале со некој којшто е уфрлен во машината, односно прислушуван, во тој случај постои снимен, забележан разговор. Во конкретниот случај, ако ме прашувате за вчерашниот пример, очигледно дека е следен и сниман господинот Муса Џафери. Разговорот очигледно бил снимен затоа што е вртено на неговиот број, од страна на Мијалков, рече Шилегов.
На прашањето дали изјавата на Груевски, денеска, кадешто повторува дека се работи за прислушување во соработка со странски служби имплицира и можеби судска разврска која тој ќе ја покрене, Шилегов рече:
– Кредибилитетот на судските институции е целосно доведен во прашање. После вчерашното објавување на докази, Социјалдемократскиот сојуз на Македонија, без оглед на сите спинови на власта, ќе продолжи и во целост ќе ги изнесе сите докази за криминалното владеење на оваа власт.
Имаше бројни реакции од сите засегнати коишто беа спомнати, дека размислуваат за ревидирање на процесот на тужбите коишто им биле мистично одбивани од Апелација, и од другите судови во Македонија. Сметате дека тоа ќе доведе до крах на судството со оглед на тоа како се развива ситуацијата?
– Веќе кажавме во текот на вчерашниот ден, кажав и во денешната изјава. Кредибилитетот на македонскиот правосуден систем, во смисол на Јавно обвинителство, судии и постапување на судии по нарачани одлуки од страна на Јавниот обвинител и на извршната власт, сериозно е доведен во прашање. Искрено се надеваме дека власта ќе смогне сила достоинствено да се повлече и извлече од целата оваа работа, одговори Шилегов.