Разрешувањето на в.д. директорката на Клиниката Козле е директен резултат на силниот притисок од јавноста, граѓаните, медиумите и политичкиот притисок на СДСМ. Ова е доказ дека неспособноста, мобингот и злоупотребите на Клиниката Козле за кои алармираше СДСМ се целосно потврдени иако власта со месеци ја штитеше, велат од партијата.
„На ДПМНЕ и на Таравари треба да им биде јасно дека нема да поминат незабележано и дека одговорност мора да има за хаосот во здравството. Ја охрабруваме јавноста да остане будна и гласна, бидејќи секој компромис со здравствениот систем директно ги загрозува граѓаните. Очекуваме новата директорката на Клиниката Козле веднаш да почне да ја санира штетата од погрешното менаџирање на сега веќе разрешената и да ја врати на работа докторката која после 27 години беше насилно избркана на улица. СДСМ е на страна на граѓаните и на професионалците во здравството. СДСМ ќе продолжи да се бори против партизацијата и несоодветните кадровски решенија во здравството, затоа што здравјето на граѓаните е над партиските интереси на ДПМНЕ и нивните коалициски партнери, тврдат од СДСМ.