Тажно и очајно е нивото на кое е спадната ВМРО ДПМНЕ. Паранојата на самопрогласената „најмоќна и најбројна партија” од постконгресното рекомпонирање на СДСМ е повеќе од очигледна, пишува во писмената реакција на опозициската СДСМ.
„Активирањето на истакнати партиски позиции во СДСМ на врвни професионалци и експерти, луѓе со изграден личен и општествен кредибилитет и со силна доверба и почит во јавноста, е вистински кошмар за ВМРО ДПМНЕ.
– Тоа е вистинското, грдо лице на ВМРО-ДПМНЕ. Тажно и очајно е нивото на кое е спадната ВМРО- ДПМНЕ. Паранојата на самопрогласената „најмоќна и најбројна партија“ од постконгресното рекомпонирање на СДСМ е повеќе од очигледна“, оценуваат од СДСМ.
„Груевски ја знае опасноста. Ја чувствува силата и моќта на вака организираниот и екипиран СДСМ. Насетува дека се ближи крајот на неговото владеење. Оттука сиот безобразлук и вулгарност, клеветење и навреди изречени за новото раководство на СДСМ“, стои во реакцијата на СДСМ.