Паниката во ВМРО-ДПМНЕ од извесниот изборен пораз предизвикува хистерични реакции врз база на измислици, штанцаат лаги на дневна основа кои немаат врска со реалноста, реагираат од СДСМ на прес-конференцијата на Димче Арсовски од ВМРО-ДПМНЕ.
„Она што беше кажано на денешната прес конференција на ВМРО-ДПМНЕ е целосна лага.
Ништо од тоа што го говори ВМРО-ДПМНЕ не е точно. Ниту имало некакви средби, ниту имало некакви барања, ниту пак општината на некого му го обезвреднувала имотот.
Сепак, ги охрабруваме институциите да ги истражат овие невистини и на тој начин да ја потврдат вистината, дека ВМРО-ДПМНЕ е една манипулаторска партија која своето делување го сведе на пласирање лаги.
Она што јавноста треба да го знае е дека за лицето зад кое ВМРО-ДПМНЕ застанува се водат неколку судски постапки за измама и незаконско однесување.
Очекуваме разрешница на постапките за јавноста да ги дознае сите инфромации за кого навистина станува збор.
Во недостиг на идеи и програми, ВМРО-ДПМНЕ со ваква криминална понуда на невистини може да очекува смо пораз на изборите на 12 април.“, се наведува во реакцијата на партијата.