Очекувано е дека Никола Груевски, човекот кој ја киднапираше цела држава и во заложништво ја држи иднината на сите нејзини граѓани, да зборува за киднапирање и синдроми на киднапирани лица, велат од СДСМ.
Јасно е дека потпирајќи се на киднапираните државни институции, Груевски гледа спас за себе, за 1,5 милиони евра во кеш за продажбата на Македонска банка и за криминалите на братучедско-кумска влада што ја опустошија Македонија.
Никола Груевски пред младите од неговата партија не проговори ни збор за иселените над 200 илјади млади луѓе во изминатите неколку години, меѓу кои се и млади кои биле поддржувачи на ВМРО-ДПМНЕ. За причините и за одговорноста за овој проблем, којашто лежи во неговите себични политики за лични цели. Груевски се обиде да се скрие зад комедијатско – циничен настап што требаше да насмее и таму каде што и неговите знаат дека не е за смеење.
Го упатуваме Груевски, ако сака да спори дали Македонија е диктатура, односно режим, да го стори тоа со меѓународниот фактор, којшто почна земјава да ја рангира меѓу хибриди, а не демократии.
