(Видео) Живковиќ: Ниту едно дете до 3 години веќе не живее во институција

Од:

Повеќе ниту едно дете до три годишна возраст не живее во институциите во Република Северна Македонија, изјави Милан Живковиќ, претседател на Комисијата за труд и социјална политика на СДСМ.

Тој нагласи дека со отворањето на петте мали групни домови во Битола, Министерството за труд и социјална политика со своите партнери го започнало процесот на целосна трансформација на „Мајчин дом“ и сите 27 деца се веќе преселени во објекти коишто наликуваат на, како што велат, топол семеен дом.

„Домот во Битола не се затвора, се трансформира во давател на нови, современи социјални услуги. На почетокот од 2020 година ќе започне да функционира регионалниот Центар за поддршка на згрижувачките семејства, како и други услуги предвидени со Законот за социјална заштита. Со последите 5 мали групни домови во Битола во нашата држава се отворени вкупно 17 мали групни домови. Со ова процесот на вадење на сите деца од институциите завршува една година порано од предвидениот рок. Во 2017 година кога започна процесот имаше 180 деца во институции, сега има останато само уште 11 деца кои се постари од три години, а Министерството за труд и социјална полтика работа e посветена на тоа и тие до крајот на годината исто така да бидат згрижени во топол дом“, рече Живковиќ.

Исто така додаде дека работата во групните домови ќе им овозможи на социјалните работници да имаат индивидуален пристап кон секое дете, согласно неговите желби и потреби.

Би можело да ве интересира

СДСМ: По промоцијата на Магма, очекуваме Мицкоски да го пушти во употреба „Мој ДДВ“

(ВИДЕО) Талески: Втор обезбедувач на Мицкоски фатен во контакт со подземје

ВМРО-ДПМНЕ: СДС е тешко да сфати, но кога последен пат бил уапсен член на обезбедувањето на премиерот, нема милост за криминогените

Катерина Ѓуровски

СДСМ: Обезбедувањето на Мицкоски е составено од најголемите криминалци во државата, кои тој лично ги одбрал

Катерина Ѓуровски

СДСМ: И по една година, Мицкоски уште сече ленти на инвестиции на СДСМ

Горан Наумовски

(ВИДЕО) Илиевски: Нов скандал во министерството на Андоновски, тендер добиле родители на негов вработен