Власта на Никола Груевски и ВМРО-ДПМНЕ не се способни да го сочуваат тоа што беше претходно изградено а камо ли пак да изградат нешто ново.
Целосно изградената делница од Куманово до Клечовце се наоѓа во катастрофална состојба.
Разграбани, уништени и однесени шини, затеги, стабилизатори, бетонски подлоги.
СДСМ благовремено реагираше за оваа состојба во којашто се наоѓа делницата меѓутоа никој не понесе одговорност.
ВМРО-ДПМНЕ и Никола Груевски со денешната прес конференција имаа уште еден неуспешен обид повторно да манипулираат со граѓаните на Македонија.
Фактите говорат дека товарниот транспорт од 2006 до 2013 година е намален за 30%.
Во патничкиот транспорт билетите се покачени за 50% а притоа е намален бројот на патници.
Благодарение на Владата на Груевски Македонија ги испушти регионалните инфраструктурни проекти и земјава станува непосакувана зона за регионалната патна и железничка мрежа.
