СДСМ: Неопходно е сите граѓани доследно да ги почитуваат мерките за заштита од коронавирусот

Од:

„Во време кога есенскиот бран на пандемијата со коронавирусот е во полн налет, бројот на инфицирани расте, болничките капацитети се полнат, а здравствените работници се преморени, важно е сите да покажеме одговорност за сопственото и за јавното здравје.

Парламентарното мнозинство предводено од СДСМ и покрај обидите за опструкции од ВМРО-ДПМНЕ, ги донесе измените на Законот за заштита на населението од заразни болести“, велат од СДСМ.

„Со овие измени стапуваат на сила новите мерки, коишто се имплементирани во цела Европа и гарантираат повисок степен на заштита и намалување на ширењето на коронавирусот.

Покрај носење заштитна маска во затворени простори каде што може да се соберат повеќе лица во исто време, во државни институции и приватни деловни објекти, сега е задолжително носење заштитна маска и на отворен простор.

Носењето маска не е потребно при возење во приватно патничко возило, ако возачот е сам или со лице со кое живее во заедница, при престојување во двор во семејна куќа со лица од исто семејство, или во угостителски објект каде се применуваат специфичните протоколи за заштита.

Групирање на повеќе од четири лица на јавен простор по 22 часот е забрането, а угостителските објекти затвораат во 23 часот.

Исто така, преполовен е капацитетот на патници во јавниот превоз и важи препораката, ако е можно да се работи од дома, онлајн.

Инспекциските служби имаат поголеми ингеренции, а непочитувањето на мерките се казнува.

Самоизолација од моментот на закажување на тестот до добивање на резултатот е задолжителна, а во случај тестот да биде позитивен на вирусот ковид-19, лицето останува во изолација.

Со новите мерки е уреден и начинот на лекување на лица заболени од ковид во приватни установи. Интернисти од приватното здравство се спремни да учествуваат во работата во клиниките и болниците не само во Скопје туку и низ државата.

И покрај сериозноста на ситуацијата, состојбата е под контрола и никој нема да остане без здравствена нега.

Сега е неопходно сите граѓани доследно да ги почитуваат мерките и задолженијата за заштита од коронавирусот.

Само на тој начин, заедно можеме да ја намалиме трансмисијата на вирусот и да го заштитиме јавното здравје“, се наведува во соопштението на СДСМ.

Би можело да ве интересира

СДСМ: По дебаклот на „протестите” јасно е дека на Мицкоски не му веруваат ниту тие 45 учесници

Жарко Настоски

(ВИДЕО) Калеска-Ванчева: Неодговорното ДПМНЕ го блокира Законот за здравствена заштита и работи против функционално Собрание

Ана Ололовска

СДСМ: Срамно, ДПМНЕ, среде пандемија со 500 неразумни амандмани го кочи Законот за здравствена заштита

Ана Ололовска

(ВИДЕО) Костовски: ВМРО-ДПМНЕ ги поткопува државните позиции и дејствува против интересите на граѓаните

Ана Ололовска

(ВИДЕО) Колева: Буџетот за 2021 е фокусиран на капитални инвестици и справување со здравствените и економски последици од коронавирусот

Ана Ололовска

(ВИДЕО) Васев: ВМРО-ДПМНЕ е изолирана партија во стечај

Ана Ололовска