СДСМ со писмено соопштение реагира на прес конференцијата на Зоран Илиоски од ВМРО-ДПМНЕ.
„Неопходно e ВМРО-ДПМНЕ да се постави како конструктивна опозиција во интерес на граѓаните и евро-атлантските перспективи, а прв чекор кон тоа е да се откажат од лаги и опструкции на легалните демократски процеси.
Нелегално и незаконски е извршено насилството во Собранието преку сериозни кривични дела на терористичко загрозување на уставниот поредок, за што ќе следува одговорност и за нарачателите и за извршителите.
Новиот претседател на Собранието е избран легално и легитимно според Уставот, законите и Деловникот. Според Уставот, Деловникот и законите ќе биде избрана и новата реформска Влада“ се вели во соопштението на СДСМ.