„Назначувањето на Косана Мазнева на висока партиска функција во кабинтетот на претседателот на ВМРО-ДПМНЕ Христијан Мицкоски, а која истовремено е и член и на Програмскиот совет на Македонската радио телевизија, јасно го покажува односот на ВМРО-ДПМНЕ кон медиумите и го потврдува обидот за партиско влијание врз работата на јавниот сервис.
Мазнева, носителката на висока функција во кабинтетот на претседателот на опозициската ВМРО-ДПМНЕ, мора веднаш да поднесе неотповиклива оставка од Програмскиот совет на МРТ.
Со овој случај уште еднаш се потврдува потребата од реформи во јавниот сервис што ќе овозможат професионализација на МРТ и дополнително ја потврдува потребата од законска регулација во овој дел. Новиот Закон за аудио и аудиовизуелни услуги ќе стави крај на партизацијата на јавниот сервис и ќе обезбеди просефионално, независно и непартиско раководно тело на МРТ кое ќе работи во интерес на граѓаните“ се вели во соопштението на СДСМ.