„Кога Стевчо Јакимовски за изборите вети бесплатни ужинки, не им кажа на граѓаните дека за тоа ќе им го покачи данокот за недвижности и ќе им воведе даноци за милениче и за базен.
Сега највисоки даноци на недвижности во Скопје ќе плаќаат токму граѓаните на општина Карпош и општината Ѓорче Петров, со којашто се потсмева Јакимовски, а ја раководи градоначалник од редовите на неговиот коалициски партнер, ВМРО-ДПМНЕ.
Лага е тврдењето на Стевчо Јакимовски дека советник од СДСМ го поддржал неговиот предлог за покачување на данокот за промет на недвижности.
Јакимовски и неговата партија со помош на Груевски и ВМРО-ДПМНЕ несовесно качуваат даноци во општина Карпош во услови на незапаметена сиромаштија во земјата досега“, се вели во писмената реакција на СДСМ на соопштението на oпштина Карпош за изјавата на Душко Весковски.
