На Македонија ѝ е потребно национално единство за интеграција во ЕУ, а не за за мораториум велат од СДСМ.
– ДПМНЕ и Мицкоски зборуваат за единство, за мораториуми, но се повеќе луѓе сфаќаат дека единствен мораториум во главата на Мицкоски е мораториумот за интеграција на државата во ЕУ. Како што го блокираше изминативе две години, Мицкоски е спремен да го одложува членството во ЕУ уште 11 години, исто како што правеше неговиот ментор Груевски. Членството во ЕУ е вистинскиот пат за промени, за државата да напредува и тоа е одлуката што граѓаните треба да ја донесат на овие избори. Едната опција се Мицкоски, Силјановска и ДПМНЕ со мораториум за ЕУ, а другата опција се СДСМ и Стево Пендаровски, кои нема да се откажат од европската иднина, се вели во соопштението од СДСМ.