СДСМ повикува итно на новинарот Томислав Кежаровски да му се овозможи да се брани од слобода.
„Најостро реагираме на игнорантскиот однос на институциите кон одлуката на новинарот за штрајк со глад, кон којашто се придружи и неговата сопруга.
– СДСМ бара веднаш да прекине нехуманиот, нецивилизиран, нечовечки однос кон новинарот што го трауматизира и неговото семејство.
– Предупредуваме дека сите евентуални несакани последици по здравјето на новинарот Кежаровски и семејството, ќе ги сносат одговорните државни органи.
– Случајот Кежаровски е уште еден пример како во Македонија мерката притвор систематски се користи за пресметки и притисоци од страна на власта“, изјави Петре Шилегов, портпарол на СДСМ.