СДСМ: Мицкоски е симбол на непотизам и судир на интереси

Од:

СДСМ со писмено соопштение реагира на видео обраќањето на Христијан Мицкоски.

„Христијан Мицкоски е симбол на непотизам и судир на интереси.

Човек кој бил асистент кај неговиот татко, човек кој добил бизниси од Владата на Груевски кога бил советник, човек чијашто пратеничка група се противеше на носење на Законот за спречување корупција и судир на интереси.

Мицкоски нема минимум кредибилитет да зборува за борба против корупција.

Не постои поголемо лицемерие од тоа Христијан Мицкоски да зборува за корупција во однапред снимени видеа во скапоцениот дворец којшто е симбол на корупција и расипништво, изграден во време во најголема сиромаштија.

Корупцијата во Македонија се распространи единствено поради 11 годишното криминално и коруптивно владеење на ВМРО-ДПМНЕ а доказ за тоа е се и бројните судски процеси што се водат против високи функционери на ВМРО-ДПМНЕ и членови на претходното раководство.

За разлика од таквиот однос на ВМРО-ДПМНЕ, Владата предводена од СДСМ започна сериозни реформи за вистинска, независна и неселективна борба против корупцијата.

Факт е дека Македонија за една година, од 2017 до 2018, има скок од 14 места и подобрување од два поени, што е показател дека државата се движи кон одговорно, отчетно и транспарентно владеење со целосно почитување на прописите и законите

Потребата од суштинска борба против корупцијата е врвен приоритет за СДСМ и Владата и парламентарното мнозинство што ги предводи.

Во таа насока е донесениот Закон за спречување на корупцијата и судир на интереси, со којшто Македонија конечно добива силна и независна институција за борба против корупцијата“ се вели во реакцијата на СДСМ.

Би можело да ве интересира

(ВИДЕО) Милевски: Борко да си поднесе оставка за резил олимпијадата, Македонија е посрамотена пред цел свет

СДСМ: Поради неспособност на ВМРО-ДПМНЕ ќе ни изгори државата

Горан Наумовски

СДСМ: Дали корупцијата е главен мотив за предавство на националните интереси со „Казанџи Холдинг“?

(ВИДЕО) Илиевски: Над 20 отсто од територијата на Македонија изгоре во пожари, не му оди на Мицкоски со патриотизмот

(ВИДЕО) Шукова: Скопје повторно ќе го издигнеме, со љубов кон градот и заедништво

Горан Наумовски

(ВИДЕО) Димитријевиќ: Режим на дело, почнаа нарачаните кривични пријави против кандидатите на СДСМ