Откако целосно се распадна бетонот на ВМРО-ДПМНЕ, Никола Груевски мораше да се правда со нарачано интервју.
Самонареченото мега интервју на Груевски е огледало на сите негови фрустрации од тоа што граѓаните се на нозе, што без разлика на политичка, етничка или друга припадност се кренаа против неговото криминално владеење.
Приказните за странски служби, секташки однесувања и други бесмислени изјави зборуваат за тешката состојба во којашто се наоѓа уплашениот Никола Груевски.
Независните институции многу му пречат на Груевски затоа што ја потврдуваат вистината за неговото криминално владеење. Затоа го иритира нивната работата.
Груевски не може да ги лаже граѓаните. Па тој да беше навистина невин како што лажно сака да се претстави немаше да нарачува аболиција кај Ѓорге Иванов, спротивна на закон и Устав.
Граѓаните знаат дека Македонија се наоѓа во криза само за Никола Груевски да не оди во затвор.
Очигледно дека најголеми, мега фрустрации Никола Груевски сепак покажува кон лидерот на демократска Македонија, претседателот на СДСМ, Зоран Заев.
Не може да се помири аболицираниот Никола Груевски дека зборот на претседателот Заев е збор.
Рече дека избори на 5-ти јуни нема да има поради неисполнети услови и тоа се докажа.
Рече дека има уставен и законски основ за свикување на Собранието и тоа се докажа.
Аболицијата целосно ќе се поништи и одговорност ќе има. Тоа најмногу го плаши Никола Груевски.
Нема спас за аболицираниот Груевски ниту за неговото криминално друштво.
Никола Груевски и ВМРО-ДПМНЕ бегаат од фер и демократски избори. Се плашат од соочување со граѓаните и одговорноста за криминалот и корупцијата.
Но, во Македонија ќе има слободни, фер, демократски и кредибилни избори. Зборот е збор, велат од СДСМ.