„Партиско-фамилијарните испостави на Никола Груевски и ВМРО-ДПМНЕ во судството се поврзани и со шемата за контрола врз медиумските курири.
Слободанка Гошева Гиевска, ќерка на претседателката на Уставниот суд, Елена Гошева, е директорка за регулатива и големопродажба во Телеком.
Веќе неколку дена нема одговор на прашањето дали оваа позицијата во Телеком е награда за Слободанка Гошева Гиевска за послушноста на нејзината мајка, Елена Гошева?
Главен и извршен директор во Телеком е кумашинот на Сашо Мијалков, Жарко Луковски.
Јавноста дозна за поврзаноста на радиото Слободна Македонија со фирмата НВСП на Владислав Стајковиќ, близок до братучедот на Груевски, Сашо Мијалков.
Сопственик на фирмата НВСП, основач на СГС, е Владислав Стајковиќ којшто е во блиска релација со кумашинот на Мијалков, Луковски.
Стајковиќ е овластено лице и на фирмата „Мобико ДООЕЛ“, каде што газда е токму Жарко Луковски.
Затоа овие медиуми ги бранат партиски диригираните одлуки на Уставниот суд за заштита на изборниот криминал.
Ова е уште една потврда дека медиумските курири се директно поврзани со фамилијарните инсталации во судството.
Тоа е доказ зошто е потребна реформа за слободни медиуми“, се вели во соопштението на СДСМ.