Крајно лицемерно е ВМРО-ДПМНЕ да говори или кого било друг да обвинува за луксузирање, бидејќи тие се прваци на луксузот, реагира СДСМ на на соопштението на ВМРО-ДПМНЕ за Радмила Шекеринска.
„Сите носители на јавни функции во СДСМ, вклучително и Шекеринска, имаат наведено начин на стекнување за сѐ што пријавиле во своите анкетни листови. Многу поважно е прашањето на кое јавноста со години чека одговор: Со кои пари пензионираната медицинска сестра Надежда Груевска купи неколку станови во Скопје?
– За македонската јавност сѐ уште е нејасно и на кој начин Гордана Јанкуловска успеала за брзо време да се стекне со неколку станови во Скопје, како и начинот на кој Влатко Ѓорчев стана сопственик на палата во Бардовци? Македонската јавност заслужува да знае како преку ноќ настана портокаловата буржоазија.
– Инаку, кога ВМРО-ДПМНЕ говори за цената на струјата, не смее да го изостави фактот дека од нивното доаѓање на власт во август 2006 г., па сѐ до сега, цената на струјата е повисока за дури 74%, што е директна последица на планираното увезување една милијарда долари скапа увозна струја“, се вели во соопштението на СДСМ.
