„Граѓаните многу добро знаат само со СДСМ имаме слободни, фер и демократски избори. Изборните нерегуларности се одлика на режимот на ВМРО-ДПМНЕ кога ја злоупотребуваше полицијата за да заплашува, малтретира и уценува граѓани, а МВР беше претворено во ВМРО-МВРО. Тоа време заврши“, реагира СДСМ на прес-конференцијата на Драган Ковачки од ВМРО-ДПМНЕ.
„Ги отфрламе сите обиди за манипулации на ВМРО-ДПМНЕ кои очигледно се без ниту еден доказ.
Граѓаните на 31 октомври масовно ќе излезат на гласање и со демократски методи ќе спречат враќање на режимот и злоупотреба на институциите во партиски цели“, се вели во реакцијата на СДСМ на прес-конференцијата на Драган Ковачки од ВМРО-ДПМНЕ.