„Никола Тодоров и Никола Груевски не ќе можат да се скријат зад партиско соопштение во коешто нема ниту збор за сериозната ситуација со жолтицата и за 5-те жртви од листеријата.
Тодоров и Груевски должат важни одговори на јавноста:
-Дали се способни да ги менаџираат кризите?
-Како планираат да спречат нови жртви и заразени?
-Кој ќе ја понесе одговорноста за болните и за починатите?
Ни самото Министерство за здравство не може да се договори самото со себе, дали жолтицата се пренесува од човек на човек, како што се тврди денеска по медиумите, или не се пренесува, како што тврдеа пред два дена?
Дисонантните ставови од институциите што се под контрола на Тодоров и Груевски покажуваат дека власта е неспособна да се справи со проблемите“, се вели во писмената реакција на СДСМ.