„Ако три двојни убиства за еден месец и огромен пораст на жртви на убиства САМО ГОДИНАВА за ВМРО-ДПМНЕ се политика, тогаш со право се отвора прашањето:
Кого и што штити власта на Никола Груевски?
Соопштението од ВМРО-ДПМНЕ го потврдува несериозниот однос на власта кон сериозна состојба, како што е загрозувањето на безбедноста на граѓаните, на што укажа СДСМ.
Што се однесува на криминалот и колку власта на ВМРО-ДПМНЕ е ефикасна, упатуваме на официјалната веб страна на Министерството за внатрешни работи.
Од преземањето на власта во 2006 година, до денес, забележителен е континуиран раст на стапката на криминалот во Македонија“, се вели во реакцијата на СДСМ.