„Социјалдемократскиот сојуз уште еднаш потенцира дека Стевчо Јакимовски, кандидатот на Српската напредна странка во Карпош, очигледно го има загубено контактот со реалноста кога во очај, после своето дезертирање од СДСМ, фрла дрва и камења по партијата во која до вчера беше висок партиски функционер и по своите партиски другари кои врата до врата одеа за него, за да го седнат во фотелјата.
– Тоа е само потврда на неговиот превртлив карактер.
– Социјалдемократскиот сојуз тоа и го очекуваше од човек кој го напушти бојното поле заради личен интерес и да си ја сочува сопствената фотелја.
– Кога Стевчо зборува за предавници, тоа е исто како кога Груевски зборува за предавници.
– На кое дереџе спадна Стевчо, исто како и Груевски да се фали со измислени анкети, на Сител да биде главна ѕвезда, а Латас да го фали со полна уста. За СДСМ неговиот чин е чин на кукавичлук, а неговиот слоган храбро е најобична пародија.
– Што има храбро во тоа да си ги напуштиш другарите во оној момент кога тоа не ти се совпаѓа со личниот интерес? Не се работи за граѓаните, се работи за парите Стевчо“, вели СДСМ во пишаното соопшетние.