(ВИДЕО) СДСМ: Како чесната Јанкулоска за пет години заработила 200.000 евра?

Од:

Министерската Гордана Јанкулоска, откако седнала во министерската фотелја во МВР, само во станови, го зголемила својот имот за неверојатни 200 илјади евра, обелодени денеска на прес-конференција портпаролот на СДСМ, Петар Шилегов, информирајќи дека ова е првиот во низата скандали за експресни богатења на луѓе од власта, за коишто СДСМ ќе ја информира јавноста.

– Поставуваме просто прашање до министерката за внатрешни работи и до премиерот Груевски. Дали со чесна македонска плата, нека е и министерска, за 5 години се доаѓа до заработка од 200 илјади евра? Во 2006 година Јанкулоска пријавила дека поседува само стан од 76 метри квадратни, со вредност од 50 илјади евра. По 5 години, во 2011 година, министерката се проширила во нов стан, од 114 метри квадратни, вреден 120 илјади евра. Интересно, истата година, со стан од 95 метри квадратни, вреден 100 илјади евра се стекнува и нејзиниот брачен партнер – истакна Шилегов, додавајќи дека податоците се основаат од анкетните листови на министерската за внатрешни работи.

– Едноставно е прашањето, како и успеа ова на чесната министерка Гордана Јанкулоска, дури за четири пати да го зголеми својот имот, од две плати во државната администрација, заедно, не поголеми од 1700 евра?! Обична пресметка покажува дека, дури и кога министерката и нејзиниот сопруг не би трошеле ни денар од своите плати, да не јаделе, да не купиле ништо, не би можеле за толку кусо време да заработат ни половина од оваа сума – 200 илјади евра зголемен капитал – истакна Шилегов.

Тој истакна дека партијата инсистира на одговори од премиерот Никола Груевски, како и до Јанкуловска, како е возможна математиката – од државна плата, за 5 години, да зголемите станбен фонд за 200 илјади евра!

– Вака ли се борите со криминал? Мистериозно ви растат станбените квадрати, а пријавувате само државна плата – прашува портпаролот на социјалдемократите.

Би можело да ве интересира

(ВИДЕО) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

Катерина Ѓуровски

СДСМ: Најдобриот виц оваа година е дека Максим Димитриевски бил коректор на власта, тој е обичен приврзок на Мицкоски

(ВИДЕО) Јанчева: Мицкоски не смее да му писне на Меџити за 200 дивоградби

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

ВМРО-ДПМНЕ: Чочекот е единственото што СДС знаат да го прават кога станува збор за капитални инфраструктурни проекти

(ВИДЕО) Талески: СДСМ заврши над 90 отсто од патот низ Фаришката клисура, ВМРО-ДПМНЕ повторно се кити со туѓи перја