СДСМ реагира на објавениот долг од страна на Министерството за финансии и на реакцијата на ВМРО-ДПМНЕ на пресот на Кире Наумов.
Според опозиционата партија, пред само неколку дена власта на Груевски се фалела со новото задолжување од 500-тини милиони евра, по историски најниска камата.
-Зошто денеска министерот за финансии Ставрески се срами да го соопшти вкупното задолжување на државата?
Или можеби затоа што тоа ќе биде историски јавен долг тежок над 4 милијарди евра?
Светот, ММФ, САД, Велика Британија и Германија го вклучија алармот за задолжувањата на Груевски, ја искритикуваа фискалната политика во земјава и побараат отчет.
Очајни се оправдувањата на ВМРО-ДПМНЕ дека земале кредити за автопатишта, кога за 8 години имаат изградено само 8 километри автопат.
Но, и според бројките што ги соопшти ВМРО-ДПМНЕ, за патиштата што се најавени во иднина, кредитното задолжување е околу милијарда евра.
Груевски и Ставрески нека одговорат, каде се останатите 3 милијарди евра со коишто ги задолжија граѓаните во Македонија, побараа од СДСМ.