Анета Јоновска Љубенова е кандидатот за градоначалник на Росоман на претстојните локални избори од опозициската СДСМ и коалицијата „Сојуз за иднината“. Советничката листа на опозицијата ја предводи Маја Миленовиќ.
До општинската изборна комисија на Росоман во продолжениот рок за кандидирање кандидати за градоначалник и советници, советничка листа доставија и од Српската народна странка на Македонија предводена од Воислав Стошиќ. Сега во трката за градоначалник на Росоман влегуваат тројца кандидати. Покрај Љубенова тука се и актуелниот градоначалник од ВМРО-ДПМНЕ Стојанче Лазов и Гоце Величковски од Народно движење за Македонија, кој претходно два мандата беше градоначалник од редовите на СДСМ.