Претседателот на Комисијата за финансии на СДСМ и дополнителен заменик-министер за финансии Кире Наумов денеска од Демир Капија изјави дека Избирачкиот список мора да се прочисти и да има теренска проверка.
Наумов рече дека вчерашните реакции на претставниците на ВМРО-ДПМНЕ во Државната изборна комисија и нивното противење да има теренска проверка се доказ дека имало нерегуларности на претходните избори.
– Теренската проверка е дел од Методологијата за прочистување на Избирачкиот список што ја усвоија членовите на сите четири партии од власта и опозицијата во ДИК, истакна Наумов, обвинувајќи дека ВМРО-ДПМНЕ поради спорните гласачи не сака да се изврши теренска проверка.
Според Наумов, мора да има реформи и во медиумската сфера бидејќи, како што рече, граѓаните сакаат фер и регуларни избори.