„Демократските процеси продолжуваат и Ѓорѓе Иванов тоа не може да го спречи.
Ќе има конститутивна седница и избор на нов претседател на Собранието и тој ќе го извести Иванов дека е должен веднаш да му го даде мандатот на претседателот на СДСМ, Зоран Заев, за состав на новата Влада.
Тоа е очекувањето на околу 700 000 граѓани кои гласаа за промени, правда и добар живот.
Секој потег на Иванов е во функција на заштита на Никола Груевски и соработниците од одговорност за направените криминали. И Иванов и Груевски треба да знаат дека пазар за амнестија нема!
Ќе има нова реформска Влада којашто ќе ја спроведе Програмата што ги гарантира унитарноста на Република Македонија,владеењето на правото, заедништвото и решавање на сите реални проблеми и потреби на сите граѓани на државата“, се вели во соопштението на СДСМ.