По повод христијански празник Рожденство Христово Божик честитка до скопскиот бискуп и апостолски егзарх во Македонија, Киро Стојанов и до сите верници од католичка вероисповед упати лидерот на СДСМ Бранко Црвенковски.
– Ја користам оваа прилика да го нагласам моето искрено уверување дека сите ние заедно ќе продолжиме секојдневно да го даваме својот придонес во градењето на просперитетна европска иднина на Република Македонија каде ќе владее меѓусебното разбирање, заемното помагање и толеранција меѓу сите граѓани, се вели во честитката.
На сите верници од католичка вероисповед, Црвенковски им посакува да ги поминат Божиќните празници во кругот на семејството и во добро празнично расположение.