СДСМ: И Чаир е дел од Скопје, недозволиво е на ул. Џон Кенеди да има хаос во сообраќајот

Од:

„Денешниот протест на граѓаните на Чаир е потсетување дека и Чаир е дел од Скопје. Ова е опомена за игнорантскиот однос на градскиот татко кон нашата општина. Затоа што граѓаните на Чаир се соочуваат со исите проблеми како и останатите граѓани на Скопје ама не можат да очекуваат решавање на нивните проблеми затоа што таткото на градот го заборави овој дел на Скопје“, рече Трајче Неделковски, ОО СДСМ Чаир.

Неделковски додаде: Се наоѓаме на улицата „Џон Кенеди“ која е во надлежност на Град Скопје. На оваа позната улица се сместени Пензионерски дом, градинка, основно и средно училиште. Недозволиво е на ваква важна улица да се одвива хаос во сообраќајот. Тротоарите се преполни со паркирани возила па граѓаните кои сакаат да отидат до училиштето, градинката, домот… се принудени да се движат по самата улица со што директно им се загрозени животите. Секако најзагрозени тука се децата кои што одат во училиште.

Затоа, ние граѓаните на Чаир, го повикуваме Градоначалникот на Град Скопје да конечно да помогне во решавањето на овој проблем. Градот Скопје мора да се грижи за секоја општина за сите нејзини граѓани. Скопје не е само Центар.

Уште еднаш го повикуваме Коце Трајановски да и помогне на локалната самоуправа во Чаир со изградба на две мини катни гаражи со што ќе се надмине проблемот на оваа улица и ќе се зголеми безбедноста на граѓаните на Чаир.

Чаир тоа го заслужува.

Би можело да ве интересира

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Петрушевски: Ако Филипче и СДС не го осудат говорот на омраза на Орданоски кон Трамп и САД тие даваат сигнал дека се согласуваат

Кузеска: Историски најголема партизација, 3000 партиски кадри ќе вработи Изет Меџити

Венко Филипче единствен кандидат за претседател на СДСМ за партиските избори на 16 март

СДСМ: Меџити најавува илјадници партиски вработувања, се спрема масовна партизација пред изборите

СДСМ: Власта со месеци не го основа Инспекторатот за употреба на македонски јазик

Катерина Ѓуровски